الــعــاشــق الــمــقــرود ..
صفحة 1 من اصل 1
الــعــاشــق الــمــقــرود ..
علـى رسـلـك تــرا بـعـض المشـاعـر دربـهـا مـسـدود
عـواطــفــك الـحـمـيـمـه عـلّـقـيـهـا بـيــنــك وبـيــنــي
..
لا تبـديـن الـغـلا كـلّـه .. وتـسـري بــه هـبــوب الـنــود
هـبــوب الـنــود مــــا تـشـفــق عــلــيّ ولا تـدانـيـنـي
..
أخـاف أقـول لـك وشـلـون تغليـنـي يــا بـنـت الـجـود
وأبــادلــك الــغــلا .. لــكــن نـصـيـحــه لا تـحـبّـيـنـي
..
سـتـرك الله بسـتـره .. والـغـلا مــا عــاد لــه مـــردود
تعـبـت وشـلــت مـــن حـمــل المـحـبّـه مـــا يكفـيـنـي
..
انـا أول مـن رمـى قلبـه علـى جــال العـيـون الـسـود
وأنـا آخـر مـن شكـى جـرح الهـوى بيـن المحبيّـنـي
..
وأنـا أصـدق مـن عشـق وأهـل المحبّـه ماعليهـم زود
وأنـا أكـذب مـن جحـد ظـلـم الـغـرام الـلـي مشقيـنـي
..
تجـرّعـتـه وأنـــا أقـــول اللـيـالـي حبـلـهـا مــمــدود
يـا كـم ليلـه ضحـك سنّـي .. وكـم ليـلـه بـكـت عيـنـي
..
عـنـاقـيـده كـثـيــره والمـصـيـبـه بــآخــر الـعـنـقــود
بـعــد جـيـتــه وهـزيّـتــه طــعــن قـلـبــي بسـكـيّـنـي
..
يسّـمـونـي مـجـاريـح الـغــرام .. الـعـاشـق الـمـقـرود
ولا أدري لا تجوّلتـي فــي صــدري وش تسميّـنـي ؟
..
عـلـيــك الله وأمــانــه دام بــاقــي لـلـكــلام حـــــدود
عـلـى بـعـض الـكــلام الـلــي يـضــرّك لا تحـديـنـي !!
للشاعر : سداح العتيبي ..
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى