منتديات بنت الشرقية

خاص للمرأة السعودية
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 ياذيب لاتشكي من الوقت ياذيب (قصيده)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 232
نقاط : 643
تاريخ التسجيل : 31/03/2011

مُساهمةموضوع: ياذيب لاتشكي من الوقت ياذيب (قصيده)   الجمعة أبريل 11, 2014 8:43 pm




ياذيب ﻻتشكي من الوقت ياذيب
وقتك تبدل وانعميت إبعجاجه

الوقت كدرلك جميع المشاريب
فيه الحصيني عاش واشعل سراجه

والعير صار اليوم مابه عذاريب
ومن فوق راسه حطو اليوم تاجه

وإنته وﻻكنك رقيت المراقيب
مظلوم ياذيب تكدر مزاجه

واليوم ياذيب الخﻼ حالك إصعيب
وقت الطرب ياذيب راح إبتهاجه

مير أحتمل ياذيب شر اللواهيب
اصبر على المكتوب والجرح ناجه

وقتآ اخذ حقك عسى شمسه إتغيب
وقت غدى ياذيب ماتحتاج حاجه

ﻻخوف وﻻ حزن ولك راين مصيب
ولك مخ باﻻبداع مثل الخواجه

وياذيب أنا بوصيك خل الدباديب
الياذبحك الجوع كب الدجاجه

وكب القطيع اللي كلوها الشواريب
وإحذر من الشاوي تقرب إنعاجه

ﻻبد ماتصطاد حرش العراقيب
وراع الطروش البيض ياذيب فاجه

وياذيب مادامت عيونك مشاهيب
ﻻبد عقب الضيق يأتي إنفراجه

يقوله اللي بين براسه الشيب
وشاف الحياه اليوم صارت سماجه

ماعاد فيها ﻻمعزه وﻻطيب
وﻻينعرف فيها الحلو من هماجه

وﻻعاد به من يستحق التراحيب
إﻻ مثل شرواك وعندي مﻼجه

وياذيب منت بجاهل بالمواجيب
ولعل حضك دوم ينهض إحجاجه

ونصيحتي جاتك وأنا خابرك ذيب
والذيب يعرف مدخله من خراجه

هذاوأنا أرجي شوفتك دوم وأغيب
وإن قالها الله عن قريب انتواجه


م

الرجوع الى أعلى الصفحة اذهب الى الأسفل
http://bessma.forumarabia.com
 
ياذيب لاتشكي من الوقت ياذيب (قصيده)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بنت الشرقية :: «®™§¤§ المنتديات الأدبية والثقافية §¤§™®» :: القصائد الشعرية-
انتقل الى: