منتديات بنت الشرقية

خاص للمرأة السعودية
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 الله من عين اليا ظلم الليل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 232
نقاط : 643
تاريخ التسجيل : 31/03/2011

مُساهمةموضوع: الله من عين اليا ظلم الليل   الجمعة أبريل 11, 2014 8:21 pm




الله من عينً أليا ظلم الليل
قامة تهل دموعها من سهرها


تسهر أليا نامت رخوم الرياجيل
اللي رجالتهم على الله خبرها


واناهمومي وسط قلبي مداهيل
أسهر بها واصبح بغبّة بحرها


وأعد وأحسب لليالي المقابيل
أليا نسيها غافل ما ذكرها


ماعاصرالدنيا وشاف التهاويل
ولايوم ميّز شمسها من قمرها


وانا حياتي كلبوها غرابيل
ومشاكل من عدّها ما حصرها


والياشكيت أشكي على جيّد الحيل
اللي كسرصلب العظام وجبرها


يقطعك دنيا كلبوها عراقيل
ترمي على النفس العزيزه قشرها


ماتآسم ألا فالرجال الحلاحيل
بيض الوجيه مكرمة من خطرها


عامً ورا عامً وجيلً بعد جيل
وشيوخ قوم مابقي غير أثرها


ومجالسً فيها دلال ومعاميل
صدت ورا البيبان محد"سبرها


عقب الحطب والناروالبن والهيل
اليوم يارثها بخيل هجرها


ياخوي انا بعطيك للعلم تفصيل
وأرسم لك الأهداف وأعرف قطرها


الحنظله لوهي على جاري السيل
تنقص حلاوتها ويكثر مررها


ومجالس ألأنذال والقال والقيل
مثل السهوم الي سريع خطرها


أنشد عن ألأجواد ذبّاحة الحيل
وأجلس مجالسها وساير ديرها


النذل لايلقي علينا مداخيل
وسود الليالي لاتجي في نحرها


واصل حبال مقطّعين المواصيل
لين الليالي البيض يطلع قمرها


خلك مع اصحابك بعيد المناويل
لاتبدي أسرارك لمن يختبرها


تري أكثر الأصحاب قومن حناشيل
ماعاد تعرف صوفها من وبرها


اخذ الصحيح وكب عنك التعاذيل
نصيحة من شاعرن لك سطرها


تجارب ماهي هروج وتماثيل
حكمة حكيم قالها واختصرها


م

الرجوع الى أعلى الصفحة اذهب الى الأسفل
http://bessma.forumarabia.com
 
الله من عين اليا ظلم الليل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بنت الشرقية :: «®™§¤§ المنتديات الأدبية والثقافية §¤§™®» :: القصائد الشعرية-
انتقل الى: