قل للمودع لا يجي لو أناديه

قل للمودع لا يجي لو أناديه
من عافني ما بيه لو هو يبيني

وينه من أول يوم أنا كنت أحانيه
يوم الليالي السود تسمع ونيني

يومي بحزت حاجتي كنت أناجيه
يوم الدموع تهاملت وسط عيني

وينه وأنا كنت أزعل الناس وأرضيه
وينه وأنا لو أبعد ألقاه فيني

وينه وأنا اللي بعز حزنه مخاويه
وإن ضاق صدره أحظنه في يديني

من بعد حبه الأول خان ماضيه
جاني يترجا رشفتن من حنيني

جاني كسير وما تعاجزت أداويه
مديت له كاس الحنان بيميني

بعيني ينام وجفني اللي يغطيه
لين أستحل القلب وأصبح ظنيني

أنام أحلم به أصحى ألاقيه
من وين ما أطالع أشوفه بعيني

لو هو طلب من عمري سنين أعطيه
فدوه لعينه كل عمري وسنيني

قله أنا أترجاه لو جيت أحاكيه
يصد عني يبتعد لا يجيني

من بعد نكرانه وكثرة بلاويه
نزعت حبن في عروقي دفيني

قله أنا ما بيه ما بيه ما بيه
والله أنا مابيه لو هو يبيني

رااااااااااااااااااااااقت لي