منتديات بنت الشرقية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

يابنت ياللي ماستر راسك الشال

اذهب الى الأسفل

يابنت ياللي ماستر راسك الشال Empty يابنت ياللي ماستر راسك الشال

مُساهمة من طرف  الإثنين يناير 20, 2014 10:21 am

[size27]


يابنت ياللي ماستر راسك الشال ..
وبزعمت انك من كبار العوايل !

انا بقول الحق والحق ينقال ..
اللي إتستر هي بنت الحمايل !

ماهوب في كشخه وخاتم وسلسال ..
الستر لعيال الحمايل دلايل !

يابنت لو قلتي لي المهر بريال ..
والله فلا عنّز عليك السلايل !

والله لخطب اللي على راسه جلال ..
لو كان مطلبها ثمانين حايل !

انا ليا مني خطبت ابغي عيال ..
ابي العيال اللي تشيل الثقايل !

ولامن خطبت ابغي لعيالي الخال ..
والدين عندي هو سيد الفضايل !

قالت قسم بالله ماشفت رجال ..
مثلك بغى حجر السنين الاوايل !

قلت الصحيح يصح لو مرة اجيال ..
ركب الكدايش غير ركب الأصايل !

ماهو بذنبي ماعرفتي لك رجال ..
ذنب الزمن خلى النشامى قلايل !

ولانيب لا رجعي ولا جيت خيال ..
ولا شايل ٍ سيفي صايل وجايل !

انسان متعلم ومن ناس عقال ..
وفتحت من نهج الحضارات فايل !

انا حضري ماني بنازل ورحال ..
لو ان ربعي بين ضلعان حايل !

وانام في بيت ومكيف جنرال ..
واسوق سياره وعندي موبايل !

ترى البداوه فعل ماهي بالأشكال ..
والسلم مانرضى عليه البدايل !

وتبعت سلم العود واصبحت وبال ..
ولقيت لي من الذود دق وجلايل !

الطيب لهل الطيب يبقى ولا زال ..
واعرف سلوم الطيب والشك زايل !

ولا شفت انا عقال السناعيس ميال ..
غصبٍ عليه عقال راسي تمايل !

السالفه ماهي بتميلة عقال ..
السالفه دم ٍ بهالعرق سايل !

يابنت دام الدم بعروقـنـا سال ..
كلن على عقله من الفكر شايل !

لكن لو قلتي لي المهر بريـال ..
والله فلا عنّز عليك السلايل !

[/size]


نقاط : 0
تاريخ التسجيل : 01/01/1970

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى